«Մինչ այժմ Կինոյի օրը նշվում է ապրիլի 16-ին, ես առաջարկում են նշել ապրիլի 13-ին: Օրն ընտրված է «Նամուս» ֆիլմի առաջին ցուցադրմամբ պայմանավորված, բայց իրականում ցուցադրվել է ապրիլի 13-ին»,- Աժ-ում հայտարարեց պատգամավոր Գեղամ Նազարյանը՝ «ՀՀ տոների և հիշատակի օրերի մասին» օրենքում առաջարկած իր փոփոխությունները։
Պատգամավորը հորդորեց Քաղաքացու օրը կոնկրետ օր նշել, որովհետև այն համընկնում է Ապրիլի 24-ի և Մայիսի 1-ի հետ և նշեց խնդրեց պատգամավորների կարծիքը մինչև երկրորդ ընթերցում,
«Առաջարկում եմ օգոստոսի 11-ին նշենք Նավասարդի օրը, բայց ոչ որպես հանգստյան օր, այլ կլինի աշխատանքային օր, բայց այդ օրը մենք պարտադիր պետք է ունենանք տոնացույցում, որովհետև ունենալ նման հին տոն, որը գալիս է հազարամյակներից և չընդգրկել պետական տոնացույցում, այն էլ օգոստոսի 11-ին, կարծում եմ՝ ճիշտ չի լինի:
Առաջարկում են նաև տոնացույցում հստակ սահմանել օրեր մարզերի և Երևանի տոները նշելու համար, որ ոչ թե կոնկրետ այդ մարզում նշենք տոները, այլ Սյունիքի օրը նշվի ամբողջ հանրապետությունում, նույնը՝ մյուս բոլոր մարզերի դեպքում, որովհետև իրականում խնդիր ունենք, եթե ավելի անկեղծ լինենք, մի մարզը մյուսին չի ճանաչում»,-առաջարկեց Նազարյանը:
Նա առաջարկեց մեռելոց օրերը նորից տոնացույցում նշել՝ հաշվի առնելով այն հանգամանքը, որ, միևնույն է, տոները նշվում են, և աշխատանքի գնալու առումով խառնաշփոթ է լինում, որպեսզի բոլոր նրանք, ովքեր ցանկություն ունեն՝ այդ օրը լինեն իրենց հարազատի շիրիմների մոտ՝ լինեն:
«Ես ուզում եմ, որ մենք վերացնենք շաբաթ և կիրակի օրերը աշխատանքային օր սահմանելու պարկտիկան։ Օրինակ, եթե Հայաստանի հավաքականը դառնում է Ֆուտբոլի աշխարհի չեմպիոն, հաջորդ օրը հռչակվում է ոչ աշխատանքային օր, հետո չնշեն՝ որ փոխարենը աշխատելու եք հաջորդ շաբաթ օրը»,-ասաց Նազարյանը՝ նախ նշելով, որ կառավարության հետ այդ հարցում համաձայնություն չունեն, այնուհետև՝ նկատելով, որ այն իրականում առաջացնում է խառնաշփոթ և այդ օրը ոչ աշխատանքի են գնում ոչ դպրոց։
