ԱԺ-ի ձեր հատվածը դառնալու է սուպերմարկետ․ Վահագն Ալեքսանյանը՝ ընդդիմադիրներին

«Ձեր կարծիքով՝ ընդդիմությունը պետք ա երես ունենա, գա ստե՞ղ։ Քոչարյանի խմբակցությունը, չգիտեմ՝ ով կա ընդեղ, Սեյրանը, Քոչարյանի փոքրիկ տղան, պիտի գան պատմեն, թե ոնց են իրենց ներկայացուցիչները հարյուր հազար դրամ բաժանել քաղաքացիների՞ն»,- ԱԺ-ում հայտարարեց ՔՊ-ական Վահագն Ալեքսանյանը՝ արձագանքելով «ո՞ւր է ընդդիմությունը» հարցին։ «Բայց ուզում եմ ողջունել մեր ընդդիմադիր գործընկերներին, որ ԱԺ չեն գալիս․ շարունակեք չգալ, որովհետև ձեզ էստեղ ոչ մի լավ բան չի սպասվում, պարոնայք ու տիկնայք ընտրակաշառատունե՛ր։ Որ պահին մտնեք ԱԺ, էդ պահին ԱԺ-ի ձեր հատվածը դառնալու է սուպերմարկետ, ձեր նստարանները դառնալու են սուպերմարկետների դարակների պես, ձեր դիմաց գրվելու են էն գները, որոնք փորձել եք փակցնել քաղաքացիների ճակատներին»,- հավելեց Ալեքսանյանը։