Ռուսաստանահայ գործարար, «Ուժեղ Հայաստան» կուսակցության նախագահ Սամվել Կարապետյանը հայտարարել է ընդդիմադիր ուժերի համախմբան պրոցեսի մասին։ Նա նշել է, որ ընտրություններից առաջ սխալ են թույլ տվել, և շատ ընդդիմադիր ուժեր գերագնահատեցին իրենց ուժերը և չկարողացան պայմանավորվել, և հիմա կարևոր է համախմբումը։
«Ինձ թվում է՝ այն ընդդիմադիր ուժերը, ում համար թանկ է մեր երկիրը, կարձագանքեն և մենք անպայման կստեղծենք հետընտրական ընդդիմադիր կոալիցիա։ Ես առաջարկում եմ ստեղծենք համակարգող խորհուրդ, ուղիղ եթերում շփվենք, բոլոր պրոբլեմները մեր ժողովրդին բացատրենք»,- ասել է նա՝ հավելելով, որ պատրաստ են և մանդատները վերցնելուն, և չվերցնելուն։
«Շուտով մենք միասին բոլոր ընդդիմադիր ուժերով կհրավիրենք հանրահավաք, որը ես կցանկանամ կոչել ուժեղ և վստահելի հանրահավաք»,- ասել է նա՝ հավելելով, որ միայն այդ դեպքում կկարողանան ժողովրդի ռեալ աջակցությունը ստանալ հանրահավաքին։
