ԱԺ-ն ընդունել է նախագիծը, որով երեխա ունեցող աշխատողների համար կսահմանվի ծնողական ժամ։ Ծնողն իրավունք կունենա բացակայել աշխատանքից՝ աշխատավարձի պահպանմամբ։
Մեկ կամ երկու երեխա ունեցող ծնողին ծնողական ժամը տրամադրվելու է օրական առավելագույնը 30 րոպե տևողությամբ, իսկ 3 և ավելի երեխա ունեցող ծնողին՝ օրական առավելագույնը 1 ժամ տևողությամբ։ Մինչև 18 տարեկան՝ հաշմանդամության խոր կամ ծանր սահմանափակումով երեխա ունեցող ծնողին, անկախ երեխաների քանակից, կտրամադրվի օրական առավելագույնը 1 ժամ։ Այս նախագիծը հավասարապես վերաբերում է երկու ծնողներին։
