Սամվել Կարապետյանն ով ա, որ Հովիկ Աղազարյանը կանգնի նրա կողքին. Հովիկ Աղազարյան

Լրագրողի հարցին, ըստ որի՝ Սամվել Կարապետյանը երեկ ընդդիմադիր գործիչներին կոչ արեց՝ մանդատները վերցնել-չվերցնելու խորհուրդների փոխարեն, ավելի լավ է՝ իրենց կողքին կանգնել, դուք պատրաստվո՞ւմ եք բանակցել իր հետ, հասկանալ՝ ստեղծված իրավիճակում՝ ի՞նչ անել, պատգամավոր Հովիկ Աղազարյանն ասաց. «Ախր Ժիրայր Սեֆիլյանն ինչի՞ պիտի կանգնի Սամվել Կարապետյանի կողքին, Սամվել Կարապետյանն ո՞վ ա, որ Սեֆիլյանը կանգնի Կարապետյանի կողքին: Հովիկ Աղազարյանն ինչի՞ պետք է կանգնի Սամվել Կարապետյանի կողքին, Կարապետյանն ով ա, որ Աղազարյանը կանգնի Կարապետյանի կողքին… Այսինքն՝ Կարապետյանն ավելի ուժեղ քաղաքական գործիչ ա, քան ես, հա՞, քան Սեֆիլյանը, քան Պապյանը, հա՞… Եթե դու ուզում ես համախմբել, փոքր ու մեծ չպիտի նայես: Համախմբվեք, Փաշինյանին հեռացրեք իշխանությունից, հետո արի, ընտրվի վարչապետ»: