Եվրոպական միությունը պաշտոնապես ստացել է հայկական ծիրանի առաջին խորհրդանշական խմբաքանակը, ինչն ազդարարում է եվրոպական շուկայում հայկական արտադրանքի հնարավորությունների ընդլայնման նոր փուլը։ Այս մասին հայտնել է Մարթա Կոսը՝ ընդգծելով, որ ծիրանը Եվրամիության հետ համագործակցության խորհրդանշական կամուրջ է։
«Հայկական ծիրանի առաջին խորհրդանշական խմբաքանակը ժամանել է Եվրոպական միություն։ Շնորհակալություն ՀՀ տարածքային կառավարման և ենթակառուցվածքների նախարար Դավիթ Խուդաթյանին նվերի և շատ լավ զրույցի համար։ Այն կօգնի հայ արտադրողներին դիվերսիֆիկացնել իրենց արտահանումը և ավելի շատ բարձրորակ արտադրանք դուրս բերել նոր շուկաներ»,- գրել է Մարթա Կոսը X-ի իր էջում։
