«Նարեկ Կարենիչ, մտել ես արդարաանալու շրջապտույտի մեջ»,- ԱԺ նախագահ Ալեն Սիմոյանը անդրադարձել է «Ուժեղ Հայաստան» կուսակցության ցուցակը գլխավորող Նարեկ Կարապետյանին՝ նշելով, որ սկզբից բացատրելու և արդարանալու է, թե ինչու են մանդատները վերցնելու։
«Իսկ դուք մանդատները միանշանակ վերցնելու եք, արդեն բաժանել եք պաշտոնները, թե ով է լինելու փոխնախագահի և հանձնաժողովների թեկնածուն, խմբակցության ղեկավարը, հիմա էլ այն հիմար սուտ թեզն ես ուզում արդարացնել, թե իբր 300 հազար ադրբեջանցի պետք է գային Հայաստանի Հանրապետություն»,-շեշտել է ԱԺ նախագահը։
ԱԺ նախագահը հարց է հնչեցրել, իսկ որտե՞ղ են 300 հազար ադրբեջանցիները. «Հա՜, չեն գալիս, որովհետև «Քաղաքացիական պայմանագիրը» սահմանադրական մեծամասնություն չի՞ ստացել։ Դե մենք հիմա էլ սահմանադրական մեծամասնություն չունենք Ազգային ժողովում։ Կամ քո հիմքը միայն ադրբեջանցիների որոշ միջին, կամ, չգիտեմ, ինչ-որ անհայտ մարդկանց ասածն ա, հա՞, վերադարձի մասին, դրա համար որոշել եք, որ մարդկանց ասեք 300 հազար ադրբեջանցի է վերադառնալու»,-շեշտել է Ալեն Սիմոնյանը։
Նա շեշտել տել է, որ 300 հազար ադրբեջանցու թեզի տակից դուրս չեն գալու. «Այդ ստի համար և էլի շատ ստերի համար քաղաքական մեծ պատասխանատվության ճանապարհ ունեք անցնելու։ Ասել եմ՝ ամեն անգամ այդ թեզերը Ազգային ժողովում ես ու իմ գործընկերները տալու ենք գլխներիդ, տալու ենք գլխներիդ՝ հայ ժողովրդին խաբելու և վախեցնելու, սպառնալու համար, ա՛յ սուտասաններ»,-հավելել է ԱԺ նախագահը։
