Իրանի նախագահ Մասուդ Փեզեշքիանը հայտարարել է, որ ԱՄՆ-ի հետ ձեռք բերված շրջանակային համաձայնագրի հաջողությունը կախված է դրա «ճշգրիտ իրականացումից»։ Սոցցանցերում հրապարակված իր ուղերձում Փեզեշքիանը շեշտել է, որ բանակցությունների արդյունավետությունը կչափվի ստանձնած պարտավորությունների գործնական կատարմամբ։
«Բանակցությունների արդյունավետությունը կախված է համաձայնեցված պարտավորությունների նկատմամբ լիակատար հանձնառությունից և դրանց ճշգրիտ կատարումից։ Այս ճանապարհին առաջընթացը կչափվի ստանձնած պարտավորությունների գործնական հետևողականությամբ։ Համաձայնեցված տեքստից դուրս հայտարարությունները չեն նպաստում բանակցությունների առաջխաղացմանը»,- գրել է նա X-ի իր էջում։
