«Ես իմ գործընկերներին հարցեր ունեմ այն հայտարարության հետ կապված, որն իմ բացակայությամբ ընդունել են։ Պետք է հասկանանք՝ ինչ է դա նշանակում գործնականում։ ԵԱՏՄ ցանկացած երկիր, ցանկացած այլ երկրի հետ կապված, կարո՞ղ է այսպիսի որոշումներ կայացնել․ մի օր արթնանա ու որոշումնե՞ր կայացնի»,- ասել է վարչապետ Նիկոլ Փաշինյանը կառավարության նիստում՝ խոսելով ԵԱՏՄ-ի մասին։
Նրա խոսքով՝ եթե այս հարցի պատասխանն «այո» է, ուրեմն՝ ԵԱՏՄ-ն հայտարարում է ինքնալուծարման մասին․ «Եվ մենք էլ պետք է այստեղից հետևություններ անենք»,- նշել է վարչապետը։
