Սահմանադրական դատարանը քննության առարկա չդարձրեց ՍԴ կազմի իրավազորության, մասնավորապես, ՍԴ դատավորներ Սեդա Սաֆարյանի ու Դավիթ Խաչատուրյանի՝ գործի քննությանը մասնակցելու անհնարինության վերաբերյալ միջնորդությունը։ ԱԺ ընտրությունների արդյունքները ՍԴ-ում բողոքարկող ընդդիմադիր «Հայաստան» դաշինքն ու ԲՀԿ-ն բարձրացրին այդ հարցը, սակայն այն կարող էր քննարկման առարկա դառնալ և ՍԴ որոշման հանգեցնել միայն այն դեպքում, եթե դատավորներից որևէ մեկը բարձրացներ այն։ Սակայն ՍԴ դատավորներից որևէ մեկն այդ հարցը չբարձրացրեց։
ՍԴ դատավոր Արման Դիլանյանն էլ նշեց, որ ՍԴ-ում բարձրացված բոլոր հանգամանքներն իրենք արդեն իսկ մանրակրկիտ քննարկման առարկա են դարձրել աշխատակարգային նիստի ընթացքում․ «Շատ ավելի խորը քննարկման առարկա են դարձել, քան այստեղ դուք եք քննարկել։ Շատ ավելի շատ հանգամանքներ են քննարկվել, քան այստեղ դուք եք քննարկել»,- ասել է նա։
