«Ունենք համոզմունք, որ այս ընտրությունները հակասել են Սահմանադրության 7-րդ հոդվածին, ընտրախախտումների համակցությունն հենց այդպիսին է»,- ՍԴ-ում հունիսի 7-ին կայացած ԱԺ հերթական ընտրությունների արդյունքները վիճարկող 7 քաղաքական ուժերի դիմումների հիման վրա միացված գործի քննությանն ասաց փաստաբան, «Ուժեղ Հայաստան» կուսակցությունների դաշինքի ներկայացուցիչ Արամ Վարդևանյանը։
Նա նշեց, որ դրանք ներկայացրել են դիմումում, նաև կից ներկայացված տվյալներով։
«Ներկայացրել ենք նաև այնպիսի հանգմանքներ, որոնք, մեղմ ասած, մտահոգիչ են»,- ասաց Վարդևանյանը՝ ընգծելով, որ առկա են բոլոր հիմքերը, որ ԿԸՀ հունիսի 14-ի 258-Ա որոշումն անվավեր ճանաչվի, անվավեր ճանաչվեն ընտրությունների արդյունքները և սահմանվի մանդատների բաշխման նոր կարգ, կամ նշանակվեն ընտրությունների երկրորդ փուլ։
«Գտնում ենք, որ բոլոր այս հնարավոր տարբերակները, որոնք նախատեսված են Բարձ դատարանի համար, կարող են այս գործի շրջանակնում իրացվել։ Իսկապես այդ առումով էլ իրավիճակը բացառիկ է»,- հայտարարեց Արամ Վարդևանյանը։
Հիշեցնենք, որ «Ուժեղ Հայաստան» կուսակցությունների դաշինքը պահանջում է անվավեր ճանաչել ԿԸՀ հունիսի 14-ի՝ «Հայաստանի Հանրապետության Ազգային ժողովի 2026 թվականի հունիսի 7-ի ընտրությունների արդյունքների վերաբերյալ» թիվ 258-Ա որոշումը և անվավեր ճանաչել ընտրությունների արդյունքները, կամ նշանակել ընտրությունների երկրորդ փուլ՝ հիմք ընդունելով իշխանությունների կողմից կազմակերպված զանգվածային ու կազմակերպված ընտրախախտումները։
