ԱՄՆ-ն խախտել է Իրանի հետ կնքված հակամարտության կարգավորման հուշագրի երկու կետ, և Թեհրանը պատասխանելու է յուրաքանչյուր խախտմանը։ Այս մասին հայտարարել է Իրանի գերագույն առաջնորդի ռազմական խորհրդական Մոհսեն Ռեզային։
«ԱՄՆ-ն, աջակցելով տարածաշրջանում իր պրոքսի ուժերի գործողություններին (Խմբ․՝ նկատի ունի Իսրայելի գործողությունները Լիբանանում), խախտել է հուշագրի առաջին կետը, իսկ Հորմուզի նեղուցում լարվածության սրման շարունակմամբ՝ հինգերորդը։ Հուշագրի ցանկացած կետի խախտման պատասխանը լինելու է արագ և կործանիչ»,- X-ում գրել է նա։
ԱՄՆ ԶՈՒ Կենտրոնական հրամանատարությունը նախօրեին հաստատել է Իրանի տարածքին հարվածներ հասցնելու փաստը՝ ի պատասխան Հորմուզի նեղուցում առևտրային նավի վրա հարձակման։
Համաձայն հաղորդագրության՝ ամերիկյան ավիացիան հարվածներ է հասցրել իրանական հրթիռների և անօդաչուների պահեստներին, ինչպես նաև առափնյա ռադիոլոկացիոն օբյեկտներին։ Իսլամական Հանրապետությունն իր հերթին հայտարարել է, որ ի պատասխան գրոհել է ԱՄՆ ԶՈՒ տեղակայման վայրերը։
