Իսրայելի կառավարությունը կիրակի օրը քվեարկեց Հայոց ցեղասպանությունը պաշտոնապես ճանաչելու օգտին՝ հետևելով անցյալ շաբաթավերջին Արտաքին գործերի նախարար Գիդեոն Սաարի կողմից առաջ քաշված բանաձևի առաջարկին։ Այս մասին հայտնում է The Jerusalem Post-ը։
«Երբեք ուշ չէ ճիշտ քայլ անելու համար»,- քվեարկությունից հետո ասել է Սաարը։
Առաջարկն այժմ նախատեսվում է ներկայացնել Քնեսեթի լիագումար նիստին՝ քվեարկության համար։
«Օսմանյան կայսրության վերջին տարիներին հայ ժողովրդի դեմ իրագործված ցեղասպանության ճանաչումը և՛ բարոյական, և՛ պատմական պարտք է»,- ասել է Սաարը հինգշաբթի X-ում արված գրառման մեջ՝ հայտարարելով բանաձևի մասին։ «Մենք պետք է նաև վճռականորեն դատապարտենք պատմական ճշմարտության ցանկացած ժխտում, նսեմացում կամ խեղաթյուրում»։
Արտաքին գործերի նախարարությունն իր առանձին հայտարարության մեջ հավելել է, որ չնայած ծավալուն փաստագրված լինելուն, ցեղասպանությունը ենթարկվել է «ժխտման և նսեմացման ինստիտուցիոնալացված արշավի», որը հիմնականում առաջնորդվում է Թուրքիայի կողմից։
