ԱՄՆ-ն ու Իրանը պայմանավորվել են դադարեցնել փոխադարձ հարվածները և ապահովել նավերի ազատ անցումը Հորմուզի նեղուցով: Այս մասին հաղորդում են Axios-ը, The Hill-ը և Reuters-ը՝ հղում անելով աղբյուրներին։
«Փոխըմբռնման հուշագրի բոլոր դրույթների վերաբերյալ տեխնիկական բանակցությունները կշարունակվեն։ Այս փուլում երկու կողմերն էլ ձեռնպահ կմնան հետագա գործողություններից, իսկ նավերը կարող են ազատորեն անցնել նեղուցով»,- The Hill-ին ասել է աղբյուրներից մեկը։
Axios-ի տեղեկություններով՝ երկու կողմերը նախատեսում են հանդիպել Կատարի մայրաքաղաք Դոհայում՝ հունիսի 30-ին, Հորմուզի նեղուցին վերաբերող հարցեր քննարկելու համար։
