Իսպանիայում հունիս ամսվա ընթացքում անոմալ շոգի հետևանքով մահացել է շուրջ 900 մարդ։ Ամսվա ընթացքում երկրում երկու անգամ թարմացվել են ջերմաստիճանի պատմական ռեկորդները։ Երկրի մեծ մասում օդի ջերմաստիճանը ցերեկային ժամերին գերազանցել է +35°C-ը, իսկ առանձին շրջաններում հասել մինչև +40°C։
Հունիսը դարձել է շոգի զոհերի թվով երկրորդ ամենամահաբեր ամիսը 2015 թվականից ի վեր, երբ Իսպանիայում սկսել են վարել նման վիճակագրություն։ Այդ ժամանակահատվածում հունիս ամսվա միջին ցուցանիշը կազմել է 328 մահ, իսկ ամենածանր տարին շարունակում է մնալ 2017-ը, երբ շոգի հետևանքով մահերի թիվը գերազանցել էր 1000-ը։
Նշվում է նաև, որ դեռևս մայիսի վերջին նույն շոգի ալիքի հետևանքով Իսպանիայում մահացել էր 101 մարդ։
