Արդարադատության նախարար Սրբուհի Գալյանը Սահմանադրական դատարանում ասել է, որ ընտրությունների արդյունքները չեն կարող անվավեր ճանաչվել ենթադրությունների հիման վրա։
«Դիմողները անընդհատ կրկնում էին՝ մենք հիմնավորեցինք, ապացուցեցինք, ներկայացրինք փաստեր։ Սակայն նույն դատողությունը բազմիցս կրկնելը դեռևս չի նշանակում, որ այն համապատասխանում է իրականությանը»,- ասել է Սրբուհի Գալյանը և հավելել, որ դատարանին չներկայացվեց գեթ մեկ կոնկրետ դեպք, որն իր բոլոր տարրերով կհաստատեր վարչական ռեսուրսի ապօրինի օգտագործումը և դրա ազդեցությունը ընտրողի ազատ կամարտահայտության վրա։
