Վարչապետ Նիկոլ Փաշինյանը Եվրոպական հանձնաժողովի նախագահ Ուրսուլա ֆոն դեր Լայենի հետ հանդիպման ընթացքում նշել է, որ ուրախ է այս տարվա ընթացքում Եվրոպական հանձնաժողովի նախագահին Հայաստանում 2-րդ անգամ հյուրընկալելու համար։
«Մեր գործընկերության հիմքում ունենալով Համապարփակ և ընդլայնված գործընկերության համաձայնագիրը և Հայաստան-Եվրոպական միություն գործընկերության ռազմավարական օրակարգ փաստաթուղթը՝ մենք կիսում ենք միևնույն հիմնարար արժեքներն ու սկզբունքները՝ ժողովրդավարությունը, իրավունքի գերակայությունը և մարդու իրավունքների պաշտպանությունը»,- ասել է վարչապետը և հավելել, որ այսօր իրենց հանդիպումը վերահաստատեց, որ ԵՄ-ն Հայաստանի ամենավստահելի գործընկերներից է։
«Հայաստանը և ԵՄ-ն մոտ են իրար առավել, քան երբևէ։ Այս արտահայտությունն օրեցօր նյութականանում է՝ ստանալով ոչ միայն քաղաքական, այլև գործնական և տնտեսական կիրառում»,- ասել է վարչապետ Նիկոլ Փաշինյանը։
