Իռլանդացի մարտիկ Քոնոր Մակգրեգորը 5 տարվա դադարից հետո վերադառնում է պրոֆեսիոնալ սպորտ։ Նրա մենամարտը ամերիկացի Մաքս Հոլոուեյի դեմ հուլիսի 11-ին կգլխավորի UFC 329 մրցաշարը։ Վերջին հինգ տարիներին Մակգրեգորը պարբերաբար ակնարկում էր, որ պատրաստվում է վերադառնալ և անցկացնել իրական մենամարտ։ Երկրպագուները սպասում էին նրա հնարավոր պայքարին Մայքլ Չենդլերի դեմ, ով այդ սպասումների պատճառով փաստացի կորցրեց իր կարիերայի կարևոր փուլը։
Սակայն Մակգրեգորը չէր պատրաստվում հետևել որևէ մեկի ծրագրերին։ Նա պարզապես սպասում էր լավագույն պահին, և, ըստ ամենայնի, այդ պահը եկել է։ 37-ամյա իռլանդացին ցույց է տալիս, որ պատրաստ է մենամարտին և գտնվում է իր լավագույն մարզավիճակում։ Նշենք, որ Մակգրեգորն արդեն հաղթել է Հոլոուեյին. դա տեղի է ունեցել 2013 թվականին՝ մրցավարների որոշմամբ։ Այժմ նա ցանկանում է կրկնել այդ հաջողությունը։
Ավելի վաղ Մակգրեգորը ծրագրում էր մասնակցել նաև Սպիտակ տանը նախատեսված UFC մրցաշարին, սակայն բանակցությունները, ըստ տեղեկությունների, ավելի երկար են տևել։
