Արձակուրդում գտնվող վարչապետ Նիկոլ Փաշինյանը սրճարանից տեսանյութ է հրապարակել՝ տնտեսվարողներին և քաղաքացիներին կոչ անելով չմոռանալ ՀԴՄ կտրոններ տրամադրել և վերցնել:
Նա անկեղծացել է՝ ասելով, որ ինքն էլ երկար ժամանակ դրան ուշադրություն չի դարձրել, այնուհետև հասկացել է, որ այն պետության համար շատ կարևոր է:
«Ես էլ շատերիդ նման առանձնակի ուշադրություն չեմ դարձրել ՀԴՄ-ին վարչապետությունից առաջ, վարչապետ ընտրվելուց հետո ահագին ժամանակ՝ մինչև էն պահը, երբ հասկացել եմ, որ ՀԴՄ-ն պետական օրգանիզմի գործունեության շատ կարևոր և բաղկացուցիչ մասն է: Էնպես որ խնդրում եմ, հորդորում եմ, կոչ եմ անում և՛ տնտեսվարողներին, և՛ նրանց ծառայություններից օգտվողներին չմոռանալ ՀԴՄ-ների մասին»,- ասել է նա:
Կառավարության ղեկավարը քաղաքացիներին ցույց է տվել, թե որն է ՀԴՄ կտրոնը:
Հրապարակված տեսանյութին կից նա գրել է. «Չենք մոռանում, չէ՞, ՀԴՄ-ի մասին։ Սիրում եմ բոլորիդ»:
