Bloomberg-ը, հղում անելով Կրեմլին մոտ կանգնած աղբյուրներին, հայտնում է, որ Ռուսաստանն այլևս մտադիր չէ Ուկրաինային վերադարձնել օկուպացված տարածքները և ձգտում է պահպանել Սումիի ու Խարկովի մարզերում գրավված շրջանները՝ որպես բուֆերային գոտի։
Ըստ աղբյուրների՝ Վլադիմիր Պուտինը մտադրված է գրավել ամբողջ Դոնբասը և գտնում է, որ բանակցությունները կարող են վերսկսվել միայն այդ նպատակին հասնելուց հետո։
ՌԴ ՊՆ-ն վստահեցրել է նախագահին, որ մինչև տարեվերջ լիարժեք վերահսկողություն ձեռք կբերի Դոնեցկի մարզի մնացած հատվածի նկատմամբ, սակայն զինվորականներին մոտ կանգնած աղբյուրներն այս ժամկետն ավելի շատ իրատեսական են համարում մինչև 2027 թվականի ավարտը։
Նշվում է, որ Մոսկվայի դիրքորոշման խստացմանը նպաստել են ԱՄՆ նախագահ Դոնալդ Թրամփի որոշումները՝ աջակցելու ռուսական նավթի և գազի գնորդների դեմ մինչև 100% մաքսատուրքեր սահմանող օրինագծին, ինչպես նաև ռուսական ներդրումային և վերամշակման գործարանների ուղղությամբ ուկրաինական հարվածները, որոնք հանգեցրել են վառելիքային ճգնաժամի։
