Բեռլինում Գերմանիայի կանցլեր Ֆրիդրիխ Մերցի հետ համատեղ մամուլի ասուլիսի ժամանակ Ադրբեջանի նախագահ Իլհամ Ալիևը հրապարակայնորեն հաստատել է, որ հուլիսի 12-14-ը Բաքվում գաղտնի գերմանա-ռուսական հանդիպում է տեղի ունեցել՝ հակասելով կանցլերին, ով մինչ այդ հայտարարել էր, թե որևէ տեղեկություն չունի այդ մասին։
Deutsche Welle-ի լրագրողի հարցին ի պատասխան՝ Մերցը կտրուկ նշել էր, որ ոչինչ չգիտի նման հանդիպման մասին, սակայն Ալիևը մանրամասն բացահայտել է փաստերը։
«Ադրբեջանն այս հանդիպման մասին իմացել է միայն The Times-ից, որից հետո սահմանապահ ծառայությունը ստուգել է չվացուցակներն ու հաստատել անունները։ Հուլիսի 12-ին Բեռլինից Բաքու չվերթով ժամանել են կանցլերի աշխատակազմի նախկին ղեկավար Ռոնալդ Պոֆալան և Մատիաս Պլացեկը, իսկ Մոսկվայից՝ Ռուսաստանի նախկին վարչապետ Վիկտոր Զուբկովը և Վալերի Ֆադեևը։ Մեր տարածքն օգտագործվել է առանց մեր գիտության, և այս տվյալները հնարավորություն են տալիս հաստատելու, որ գաղտնի հանդիպումն իրականում տեղի է ունեցել», — ասել է Ալիևը։
