«35 տարի է՝ միացնում ես, նույն երգերը, հոլովակները, ֆիլմերն են ցույց տալիս, ինչը լավ է, բայց ուրիշ բան չկա։ Եվ այդ բովանդակությունն ունի շատ կարևոր առանցք և հենասյուն․ դա պետականության բացակայությունն է։ Բոլոր ֆիլմերը պետության բացակայության և դրա երջանկության մասին են»,- ասել է վարչապետ Նիկոլ Փաշինյանը։
Նրա խոսքով՝ առավոտից պետական միջոցներով սնվողները, այդ թվում՝ լրատվամիջոցները, 24 ժամ քարոզում են, թե ինչ երջանկություն է պետություն չունենալը․ «Չկա ավելի մեծ երջանկություն, դրախտ է պետություն չունենալը»։
Նրա խոսքով՝ այդտեղից են սկսվում այն բոլոր պրոցեսները, որոնց առերեսվում ենք․ «35 տարում, էլ չեմ ասում՝ վերջին 8 տարում, ունե՞նք պոզիտիվ բովանդակություն, որը կարող ենք դարձնել հաղորդակցության նյութ և առարկա»,- հավելել է նա։
