Ուկրաինական անօդաչու թռչող սարքերը հարձակվել են Պենզայի մարզում գտնվող Wildberries-ի պահեստի վրա, որի հետևանքով մեկ մարդ վիրավորվել է։
Մոտ 200 աշխատակից տարհանվել է, հայտնել է մարզի նահանգապետ Օլեգ Մելնիչենկոն։
«Անօդաչու սարքերը ահաբեկչական հարձակում են իրականացրել Wildberries-ի պահեստի վրա։ Նախնական տեղեկությունների համաձայն՝ մեկ մարդ վիրավորվել է»,- հայտնել է նա։
Սարապուլի Wildberries-ի լոգիստիկ օբյեկտի վրա ևս ԱԹՍ-ի հարված է եղել, որից հետո հրդեհ է բռնկվել, տեղում աշխատում են հրշեջ ջոկատները։ Նախնական տվյալներով՝ տուժածներ չկան, հայտնել են Wildberries-ի մամուլի ծառայությունից։
Հայտարարված օդային տագնապի կապակցությամբ օբյեկտում իրականացվել է նախնական տարհանում:
