Վարչապետ Նիկոլ Փաշինյանը ճեպազրույցում անդրադարձել է հայ-ռուսական հարաբերություններին.
«Ես հայ-ռուսական հարաբերությունների պատասխանատուն չեմ։ Հայ-ռուսական հարաբերություններն ուրիշ բան են։ Մենք տեսնում ենք, որ այդ հարաբերությունները տեղ-տեղ ուրիշ բովանդակություն ունեն»,- ասել է վարչապետը։
Նրա խոսքով՝ Հայաստանը որոշել է ունենալ այլընտրանքներ. «Մինչև այս Հայաստանը չի ունեցել այլընտրանքներ, այդ թվում՝ քաղաքական առումով։ Պրոբլեմը հետևյալի մեջ է՝ Հայաստանը ռազմավարական փաստաթուղթ է ստորագրել Չինաստանի, ԱՄՆ-ի, Մեծ Բրիտանիայի և այլ պետությունների հետ։ Իսկ նախկինում ՀՀ-ն չէր կարող ունենալ այսքան գործընկեր»,- ասել է նա և հավելել, որ չի կարող Ռուսաստանի «զգացմունքների մասին» խոսել։
«Կարող եմ ասել, որ Ռուսաստանը խնդիր է տեսնում այստեղ։ Կա՛մ էքսկլյուզիվ են հարաբերությունները, կա՛մ հարաբերություններ չպետք է լինեն, բայց մենք չենք ընդունում այդ մոտեցումը։ Ասում ենք՝ դրանք էքսկլյուզիվ չեն, բայց պետք է լինեն»,- հավելել է վարչապետը։
