ԱՄՆ նախագահ Դոնալդ Թրամփն անդրադարձել է այն լուրերին, թե Վաշինգտոնն Իրանի դեմ պատերազմում սպառել է կալանիչ հրթիռների պաշարների մեծ մասը: Truth Social հարթակում նա հայտարարել է, որ երկրում մեծ քանակությամբ զինամթերք կա, իսկ հակառակ լուրեր տարածողներին սպառնացել է ազատազրկմամբ:
«ԱՄՆ-ն հսկայական քանակությամբ զինամթերք ունի, հատկապես՝ որոշակի տեսակի: Բացի այդ, մեծ քանակությամբ զինամթերք արտադրվում է և անհրաժեշտության դեպքում առաքվում ԱՄՆ: Պաշտպանական ընկերությունները կառուցում են մեր երկրի պատմության ընթացքում ամենամեծ թվով գործարանները», – հայտարարել է ԱՄՆ նախագահը:
Թրամփը հավելել է, որ նման «դավաճանական հայտարարություններ» անողներին հետապնդում են, և նրանց սպասվում է «երկարաժամկետ ազատազրկում»:
Ավելի վաղ CNN-ի աղբյուրները հաղորդել էին, որ ամերիկացի զինվորականները փետրվարի 28-ից ի վեր, երբ սկսվեց Իրանի դեմ հակամարտությունը, օգտագործել են իրենց THAAD հրթիռների գրեթե 80%-ը և Patriot կալանիչների մոտավորապես կեսը։
Հրթիռների պաշարների սպառման մասին լուրերը հերքել էր նաև Պենտագոնի ղեկավար Փիթ Հեգսեթը:
