Վարչապետ Նիկոլ Փաշինյանը կառավարության նիստում հայտնել է, որ COP 17-ին սպասվում է 10-15 հազար մարդու մասնակցություն։
«Սա նշանակում է, որ նաև տուրիզմի մեծ ներհոսք է լինելու, և սա լավ հնարավորություն է մեր մասնավոր հատվածի համար՝ նախ ծառայություններ մատուցել, հետո՝ իրենց մատուցած ծառայությունները գովազդել»,- ասել է վարչապետը և հավելել, որ շատ երկրներում նման երևույթ կա, բայց Հայաստանում, կարծես թե, շատ տեսանելի կերպով է դրսևորվում։
«Մեկ անգամ Հայաստան եկած մարդիկ անպայման ուրիշներին են խորհուրդ տալ գալ, և իրենք ևս վերադառնում են։ Մանավանդ տուրիզմի ոլորտում մեր վերընթաց զարգացման վիճակում սա լավ հնարավորություն է Հայաստանի տուրիզմի և մասնավոր ընկերությունների համար՝ իրենց ծառայությունները գովազդելու և նոր գործընկերներ ձեռք բերելու համար»,- շեշտել է վարչապետը։
