«Մենք ձեզանից ակնկալում էինք, որ դուք ավելի պրոակտիվ ներկայացնեիք մեր երկրի ընդհանուր տնտեսական մոդելները, ապագա զարգացման ինչ ոլորտային առաջնահերթություններ ունի մեր երկիրը, սակայն մենք լսեցինք, որ դուք արել եք ինչ-ինչ քայլեր և գրեթե չպատմեցիք, ապագայի մասին, որ առաջարկում եք մեր հանրությանը»,-ԱԺ տնտեսական հարցերի մշտական հանձնաժողովի նախագահի ՔՊ-ական թեկնածու Բաբկեն Թունյանին դիմեց «Ուժեղ Հայաստան» խմբակցության ղեկավար Նարեկ Կարապետյանը։
Նա հորդորեց ուշադրություն դրաձնել, որ մենք գտնվում ենք տնտեսական ամենաբարձր ցիկլում, երբ պղնձի գինը պատմականորեն ամենաբարձրն է, ռուս-ուկրաինական պատերազմի հետևանքով միլիարդներ է հոսում Հյաստան։
«Բայց, միևնույն ժամանակ, անգամ հավելյալ շահույթի դեպքում, մեր երկիրը շարունակում է ավելացնել պետական պարտքը՝ բարձր տոկոսով, երբ այս բարձր ցիկլը համեմատում ենք երկրի աղքատության մակարդակի հետ, ինչ պատկեր կա»,- ասաց Կարապետյանը և Թունյանին հորդորեց պատասխանել թե 2018 թվականից հետո Վրաստանի աղքատության մակարդակն ինչքան է իջել՝ համեմատելով Հայաստանի աղքատության մակարդակի նվազման հետ։
Թունյանը հայտարարեց, թե քննարկում են հանձնաժողովի նախագահի ֆունկցիաները, իսկ տնտեսական քաղաքականության մասին հարցեր պետք է տալ այն մշակողին՝ կառավարությանը։
«Մեր անցած տարիների աշխատանքների ծրագրերի մասին ձեզ չենք ներկայացրել, այլ մեր ընտրողներին, և նրանք մեզ ձայն ու մանդատ են տվել, որպեսզի այդ ամեն ինչը մենք շարունակենք»,-հայտարարեց Թունյանը։
Հայտարարելով որ չի ցանկանում աղքատության և պարտքի մասին խեսել՝ Թունյանը, այնուամենայնիվ, ասաց, որ աղքատության ցուցանիշը 21.7% է և հայտարարեց, որ աղքատների և հարուստների միջև տարբերությունը բավականին մեղմացել է։
Հանձնաժողովի նախագահի թեկնածուն հակընդդեմ հարց ուղղեց նարեկ Կարապետյանին, թե ՌԴ սահմանափակումները ապրանքի որակի հետ է կապված, ինչպես նախորդ օրը հայտարարեցին ՌԴ-ից, թե այլ է։
«Այն, ինչ ՌԴ-ն ներկայացրել է, ուղղակի տեխնիկական պատրվակ է, իսկ հիմնական նպատակը քաղաքական է»,-պատասխանեց Կարապետյանը։
Նկատելով որ Թունյանը խուսափում է երկու երկրների աղքատության մակարտակի կրճատումը ներկայացնել՝ Ընդդիմադիր խմբակցության ղեկավարը ինքը այն արեց՝ ասելով, որ 2-ից ավել անգամ Վրաստանն արդեն իջեցրել է աղքատությունը (Հայստանում 23.6%-ից իջել է 21.7%՝ երկու անգամ հաշվարկման մեթոդաբանության փոփոխության պայմաններում)։
Թունյանն էլ հայտարարեց, թե Հայաստանում միջին կենսաթոշակը 59 հազար է աղքատության միջին ցուցանիշը 54 հազ դր։
