«Եկեք հիշենք, թե ինչի համար ենք եկել այստեղ։ Թարգեք լրիվ «списать» արած մարդկանց վրա ուշադրություն դարձնել, Խնդրում եմ նաև իմ լրագրող գործընկերներին. դուք լավ վերնագրերի հետևից գնալով, քաղաքական խոսույթը վերածում ենք իրար վիրավորելու մարաթոնի սակայն մենք պետք է կենտրոնանանք մարդկանց կյանքը լավացնելու վրա»,-Աժ միջանցքում ասաց «Ուժեղ Հայաստան» խմբակցության ղեկավար Նարեկ Կարապետյանը։
Վերջինս նման հորդորով արձագանքեց լրագրողների՝ ԱԺ նախկին նախագահ Ալեն Սիմոնյանի գրառմանը արձագանքելու խնդրանքին։
Հիշեցնենք, որ Ալեն Սիմոնյանը այսօր սոցցանցերում գրել էր.
«ԱԺ-ի ընդդիմադիր դաշտի մանկապարտեզի սաները` անունները չեմ գրում, քանզի դրանք ձեզ ոչինչ չեն ասի), մինչ օրս կռիվ են տալիս ԱԺ դահլիճում իմ շողքի հետ, բայց թքիցս վերև չեն կարողանում միևնույն է բարձրանալ: Այս փոքրիկ ծաղրածուները, ովքեր իրենց անգրագետ շեֆերի փողերի ու հայ ժողովրդին մոլորեցնելու միջոցով դեպուտատ են դարձել, պետք է հասկանան, որ ամեն անգամ նման բաներից հետո տրորելու եմ ոչ միայն իրենց, այլ առաջին հերթին իրենց օտարերկրյա գործակալ անգրագետ շեֆերին: Դուք նույնիսկ իմ շողքի հետ բանավիճելու և ոտք քցելու ո՛չ խելք, ո՛չ գիտելիք չունեք , ուստի հանգիստ վեր ընկեք ձեր տեղը…»:
