Իրանը և ԱՄՆ-ն համաձայնության են եկել հրադադարը երկարաձգել ևս 60 օրով. հայտնել են «Ալ-Արաբիա» և «Ալ-Հադաթ» հեռուստաալիքները։
Դա տեղի է ունենում երկու երկրների միջև կնքված փոխըմբռնման հուշագրով նախատեսված ժամկետի ավարտի օրը։
Աղբյուրների փոխանցմամբ՝ անցյալ տարվա հունիսին ԱՄՆ-ի և Իրանի միջև ստորագրված «Իսլամաբադի համաձայնագրի» գործողության ժամկետը լրանում է այսօր։
Հնարավոր երկարաձգման ժամկետի կամ նոր համաձայնագրի պայմանների վերաբերյալ պաշտոնական տեղեկություն դեռևս չի հրապարակվել։
Միևնույն ժամանակ, Իրանի արտաքին գործերի նախարարության մամուլի քարտուղար Իսմայիլ Բաղային հայտարարել է, որ «Իսլամաբադի համաձայնագիրը» չի նախատեսում որևէ «60-օրյա ժամկետ»։
Նրա խոսքով՝ Իրանը որոշումներ չի կայացնում ժամկետների կամ նախազգուշացումների հիման վրա։ Բաղային նշել է, որ կողմերը պետք է 60 օրվա ընթացքում բանակցեին, այդ թվում՝ միջուկային հարցի շուրջ, սակայն ԱՄՆ-ի կողմից փոխըմբռնման հուշագրի խախտումից հետո այդ ժամկետի մասին խոսակցություններն այլևս արդիական չեն։
