Վարչապետ Նիկոլ Փաշինյանը կառավարության նիստում անդրադարձել է կառավարության առաջիկա 5 տարվա ծրագրին՝ նշելով, որ ընտրությունների արդյունքներով ի վերջո հաղթել է «Իրական Հայաստան»-ի գաղափարախոսությունը, ինչը նշանակում է, որ այն ՀՀ-ում դարձել է պաշտոնական գաղափարախոսություն․
«Սրանից բխում է հաջորդ արձանագրումը, որը ֆիքսված է կառավարության ծրագրի նախագծում, որ ՀՀ-ն թևակոխում է իր պատմության այն փուլը, որն անվանում ենք չորրորդ հանրապետություն, որի մասին խոսել ենք»,- շեշտել է նա և հավելել, թե ինչով է տարբերվում երրորդ հանրապետությունը չորրորդից։
«Տարբերությունը հետևյալն է․ երրորդ հանրապետությունը հիմնադրվել է հենց առաջին օրից կոնֆլիկտի տրամաբանությամբ, չորրորդ հանրապետությունը ձևավորվում է խաղաղության տրամաբանությամբ»,- շեշտել է վարչապետը։
