Վարչապետ Նիկոլ Փաշինյանը բրիֆինգին անդրադարձել է ԵԱՏՄ անդամ երկրների միասնական հայտարարությանը՝ կապված կառույցի անդամակցության հարցի հետ․
«ԵԱՏՄ 4 երկրների ղեկավարների հայտարարության մեջ արձանագրված է, որ նրանք պաշտպանում են հանրաքվե անելու գաղափարը։ Այդ գաղափարն իրականում մեզ է պատկանել, որ ինչ-որ փուլում պետք է հանրաքվե լինի»,-նշել է վարչապետը և հավելել, որ ժամկետների մասին իրենք էլ իրենց պատկերացումներն ունեն։
Նրա խոսքով՝ այդ հայտարարությունը չի կարող ընկալվել որպես պահանջ. «Ընկալել եմ որպես բարեկամական ժեստ, որովհետև մարդիկ ասել են՝ կիսում են այդ տեսակետը»,-շեշտել է Նիկոլ Փաշինյանը և նշել, որ նրանք չեն ընդդիմանում ԵՄ-ի հետ հարաբերությունների խորացմանը՝ ընդհուպ մինչև ԵՄ-ին անդամագրվելու օրակարգ որդեգրելու՝ Հայաստանի հնարավորությանը։
