Վարչապետ Նիկոլ Փաշինյանը վստահեցրել է, որ Հայաստանի դատական համակարգը մեծապես շարունակում է մնալ հիմնականում վերնախավերի և հիմնականում նախկին վերնախավերի շահերի ու հետաքրքրությունների պաշտպան։
«Որովհետև օրգանական կապ չունի ժողովրդի հետ․․․ Իմ պատկերացումը նոր սահմանադրության ընդունումն է»,- ասել է նա և հավելել, որ եթե մարդու օրինական շահերը ոտնահարվել են, նա վստահ պետք է լինի, որ դրանք դատական համակարգով կլուծի, իսկ այսօր իրականությունն այլ է։
«Ով սոցիալական մի դիրքից վերև է, 100%-ով վստահ է, որ ինչ խնդիր կուզենա, կլուծի։ Հանցագործության պահին բռնես՝ կգնա, կարդարացվի։ Դեպք ենք ունեցել՝ դատավորը գործը ձգել է այնքան, մինչև թոշակի գնալը, և այդ գործով մինչև հիմա դատական համակարգը պրոբլեմի առաջ է կանգնած ու չգիտի՝ ինչպես լուծի»,- շեշտել է նա։
