«Երևանում, Հայաստանում տուն ձեռք բերելը դառնում է թրենդային»,- ասել է վարչապետ Նիկոլ Փաշինյանը՝ ընդգծելով, որ այն այժմ շատ ակտիվ է։
«Թրենդային է Սփյուռքի մեր հայրենակիցների և այդ թվում այն մարդկանց համար, ովքեր ուղղակի ցանկանում են ներդրում անել։ Կան նաև մարդիկ, ովքեր մտածում են, որ Հայաստանում տուն ձեռք բերելը լավ ներդրում է։ Տուն են ձեռք բերում, վարձով են տալիս»,- ասել է վարչապետը և ընդգծել, որ նախորդ տարվա համեմատ այս տարի անշարժ գույքի հետ կապված 15 հազար և ավել գործարքներ կան։
Վարչապետի խոսքով՝ իհարկե, անշարժ գույքի գները շարունակաբար աճում են, որոնց մասին նա քաղաքացիներից նամակներ է ստանում. «Բայց մյուս կողմից՝ ովքեր ունենք սեփական անշարժ գույք, նրանց համար գների բարձրացումը լավ նորություն է, քանի որ նրանք իրենց տանը նստած ուղղակի հարստանում են»,- շեշտել է Նիկոլ Փաշինյանը։
