«Ռոբերտ Քոչարյանը, Սերժ Սարգսյանը և Գագիկ Ծառուկյանը վերին արտի ցորե՞նն են։ Կարող են թալանել և սերնդեսերունդ այդ թալանածը ժառանգե՞լ։ Ընտրություններից առաջ ժողովրդի համար հստակ և թափանցիկ խնդիր եմ ձևակերպել էս ամենում և առաջարկել մեր պետության այս ոլորտում այսպիսի քայլեր»,- ասել է վարչապետ Նիկոլ Փաշինյանը բրիֆինգին։
Նրա խոսքով՝ Ռոբերտ Քոչարյանը, Գագիկ Ծառուկյանը և Սերժ Սարգսյանը ամսի 1-ին պետք է բացեն, տեսնեն՝ թոշակը նստե՞լ է, թե՞ չէ․ «Սա է քաղաքական խնդիրը։ Իրենք պետք է ապրեն թոշակով և իրենց օրինական եկամուտներով, իսկ ինչ ապօրինի ձեռք են բերել, լումա առ լումա, սենթ առ սենթ, քյաբաբ առ քյաբաբ պետք է վերադարձվի Հայաստանին ու ժողովրդին»,- շեշտել է վարչապետը։
Անդրադառնալով այն խոսակցություններին, թե 2-րդ նախագահի ձերբակալության ընթացքում երեխաները վախեցել են, վարչապետը շեշտել է․ «Խուզարկությունից առաջ պաստառներ են դնում՝ ցույց տալով, որ իրենք գիտեն, հետո էլ մեծ պատմություն են սարքել, թե՝ վայ, երեխեքը։ Եթե դուք գիտեիք, որ գալու են, երեխեքին ինչու՞ մյուս տատիկ-պապիկի տուն չէիք ուղարկում։ Պահել էիք, որ երեխեքով շոու անե՞ք»։ Նա նշել է, որ պետք է պարզվի՝ իրավապահ համակարգից եղե՞լ է ինֆորմացիայի արտահոսք, թե՞ ոչ, և դրա հեղինակները պետք է պատժվեն
