«Քաղաքականությունն անձնական հաշիվներ պարզելու հարթակ չէ»,- ԱԺ-ում ունեցած ելույթում ասաց «Ուժեղ Հայաստան» խմբակցության պատգամավոր Իրինա Յոլյանը, ով առաջադրվել է Տարածքային կառավարման և շրջակա միջավայրի պահպանության հարցերի մշտական հանձնաժողովի նախագահի պաշտոնում։
Նա վստահ է, որ քաղաքացիներին հետաքրքիր չէ այդ համատեքստից դիտարկել քաղաքականությունը։
«Քաղաքականությունը սուր խոսույթի, գաղափարական քննարկումների հարթակ է։ Վստահաբար կարող եմ ասել՝ սա նաև ժողովրդավարության հենասյուներից մեկն է։ Մեր խմբակցությունն իրականում այստեղ չէ, որ գաղափարական իմաստով ամեն ինչին համաձայն լինի։ Առաջին հերթին մենք այստեղ ենք՝ գաղափարական սուր քննարկումների համար»,- ասաց ընդդիմադիր ուժի ներկայացուցիչը։
Նշենք, որ այժմ ԱԺ-ում ընթանում է հանձնաժողովի նախագահի փակ, գաղտնի քվեարկությունը։
