ԱՄՆ նախագահ Դոնալդ Թրամփը Truth Social սոցիալական ցանցում գրել է.
«Ամերիկայի Միացյալ Նահանգները հենց նոր համաձայնագիր է կնքել Վենեսուելայի հետ՝ աշխարհի պատմության ամենամեծ նավթային գործարքի վերաբերյալ։ Իմ հանձնարարությամբ՝ պետքարտուղար Մարկո Ռուբիոն և ռազմական նախարար Փիթ Հեգսեթը, սերտորեն համագործակցելով Վենեսուելայի ժամանակավոր նախագահ Դելսի Ռոդրիգեսի հետ, և մասնավոր բիզնեսի հետ գործընկերության միջոցով ապահովել են ԱՄՆ-ի մեծամասնության վերահսկողությունը Վենեսուելայում նավթի ավելի քան 65 միլիարդ բարել պաշարների նկատմամբ՝ առանց ամերիկացի հարկատուների համար որևէ ծախսի։
Այս պատմական գործարքը, որը կրկնապատկում է ամերիկյան նավթի պաշարները, զգալիորեն մեծացնում է մեր նավթի մատակարարումը և զգալիորեն կնվազեցնի գազի գները բոլոր ամերիկացիների համար՝ երկար ժամանակ, միաժամանակ օգնելով շարունակել Վենեսուելայի ուղին դեպի հսկայական հաջողություն և մեծ բարգավաճում։
Այս գործարքը մեծապես կամրապնդի Վենեսուելայի և Միացյալ Նահանգների միջև արդեն իսկ զարգացող հարաբերությունները»։
