Ըստ թուրքական կողմի տարածած հաղորդագրության՝ Թուրքիայի նախագահ Ռեջեփ Թայիփ Էրդողանը և Ադրբեջանի նախագահ Իլհամ Ալիևը քննարկել են Թուրքիայի և Ադրբեջանի միջև երկկողմ հարաբերությունները, ինչպես նաև տարածաշրջանային և համաշխարհային զարգացումները։ Այս մասին հայտնել է Թուրքիայի նախագահի աշխատակազմի հաղորդակցության բաժինը։
Հայտարարության համաձայն, առաջնորդները քննարկել են Թուրքիայի և Ադրբեջանի միջև երկկողմ հարաբերությունները, ինչպես նաև տարածաշրջանային և համաշխարհային զարգացումները։
Նախագահ Էրդողանը նշել է, որ տարածաշրջանային ներկայիս պայմանները ավելի ակնհայտ են դարձրել Թուրքիայի և Ադրբեջանի կողմից համագործակցության, մասնավորապես՝ էներգետիկայի, ենթակառուցվածքների և տրանսպորտի ոլորտներում ձեռնարկվող քայլերի կարևորությունը։ Նա նշել է, որ «մեկ ազգ, երկու պետություն» սկզբունքի հիման վրա բոլոր ոլորտներում հարաբերությունների խորացումը օգուտ կբերի երկու երկրներին։
Էրդողանը հայտարարել է, որ Թուրքիան կշարունակի նպաստել Ադրբեջանի և Հայաստանի միջև խաղաղության գործընթացին և ընդգծել է, որ խաղաղությունը կենսական նշանակություն կունենա ամբողջ տարածաշրջանի համար։
Հանդիպման ընթացքում Թուրքիայի նախագահը նաև Իլհամ Ալիևին հրավիրել է մասնակցելու COP31 գագաթնաժողովին, որը տեղի կունենա Անթալիայում։
