Կալանավորումները պետք է լինեն համաչափ՝ իրավիճակին։ Դեմ եմ այս մակարդակի ու այս ծավալի կալանավորումներին,- հայտարարել է պաշտպանության նախկին նախարար Դավիթ Տոնոյանը՝ լրագրողների հետ ճեպազրույցում։
Նա հիշեցրել է, որ ինքն էլ է ժամանակին եղել կալանավորված. «Չեմ կարծում, որ դա լավագույն լուծումն է նախաքննության ու դատաքննության ընթացքում»,- ասել է նա։
Տոնոյանն անդրադարձել է նաև Բիշքեկում Նիկոլ Փաշինյանի ու Իլհամ Ալիևի հանդիպմանը, նշելով, որ որևէ հավելյալ տեղեկություններ չկան։ «Միակ բանը, որ ինձ ուրախացնում է՝ դելիմիտացիան ու դեմարկացիան կսկսվի»։ Անկլավների հետ կապված թեմայի շուրջ նա հույս է հայտնել, որ ճիշտ որոշում կկայացվի. «Փոխանակումը, փոխզիջումը, դիվանագիտական աշխատանքի արդյունքը. հիմա շատ դժվար է ասել, թե ինչ կարող է լինել»։
