ԵՄ Խորհուրդը համաձայնել է ներդնել հայկական արտադրանքի համար առևտրի ժամանակավոր ազատականացման միջոցառումներ՝ Ռուսաստանի կողմից վերջերս սահմանված առևտրային սահմանափակումներից հետո Հայաստանի տնտեսությանը աջակցելու համար. հայտնում են ԵՄ խորհրդից։
«Այս միջոցառումները կազատականացնեն դեպի ԵՄ հայկական արտահանման շուրջ 80%-ը։ Այս արտոնյալ կարգավորումն ուղեկցվում է որոշակի պայմաններով և ներառում է նաև պաշտպանական միջոցներ՝ ԵՄ շուկան պաշտպանելու համար, եթե ներմուծումը բացասաբար անդրադառնա ԵՄ արտադրողների վրա։
Խորհուրդը հաստատել է Հանձնաժողովի առաջարկն առանց փոփոխությունների՝ ճանապարհ հարթելով կանոնակարգի արագ ընդունման համար այն բանից հետո, երբ ակնկալվում է, որ Եվրոպական խորհրդարանը նույնպես կհաստատի առաջարկն առանց փոփոխությունների»,- հայտնում են խորհրդից։
«Եվրոպան կանգնած է Հայաստանի և նրա ժողովրդի կողքին, ովքեր ընտրել են բարեփոխումների և Եվրոպական միության հետ ավելի սերտ համագործակցության հստակ ուղի։ Այսօրվա որոշումը հստակ ուղերձ է հղում․ տնտեսական ճնշումներին (բռնաճնշումներին) բախվելիս ԵՄ-ն կարձագանքի։ Մենք կստեղծենք նոր հնարավորություններ և կկանգնենք մեր գործընկերների կողքին»,- ասել է Իռլանդիայի արտաքին գործերի և առևտրի նախարար Հելեն ՄաքԷնթին։
