Հայաստանի ԳԽ և Արցախի ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է.
Անկլավներ-էքսկլավների պատկանելության, Հայաստանի եւ Ադրբեջանի պետական սահմանի, Լեռնային Ղարաբաղի տարածքի ամբողջության վերականգնման, կոմունիկացիաների վերաբացման հարցերը պետք է լուծվեին 1994թ․ հրադադարին հաջորդած մի քանի տարիների ընթացքում։ 1998թ․ “իշխանափոխությունը” ազդակ էր, որ Հայաստանը ԼՂ կարգավորման ԵԱՀԿ 1994թ․ Բուդապեշտի գագաթաժողովի հայեցակարգը մերժում է։
Մնում է հասկանալ, դա գիտակցվա՞ծ ընտրություն էր, թե՞ “ֆիդայական պրիմիտիվիզ”։ Ընդ որում, դա անցյալի մասին հարց չէ, այլ՝ ներկայի եւ ապագայի։ Քանի դեռ Հայաստան-Ադրբեջան փաստացի խաղաղությունը ինստիտուցիոնալացված չէ, սահմանների մասին առանձին պայմանագիր ստորագրված չէ։
