«Իսակով-Արշակունյացի մրցութային շրջափուլը բավականին երկար տևեց, քանի որ մտահոգություններ ունեինք՝ կապված հաղթող ընկերության հետ։ Եթե շատ անկեղծ լինեմ, մինչ այս պահն ունենք որոշակի մտահոգություններ, որոնք ամփոփվել էին մեր հանձնաժողովի եզրակացության մեջ և ուղարկվել միջազգային գործընկերներին»,- ասել է Երևանի քաղաքապետ Տիգրան Ավինյանը։
Նրա խոսքով՝ միջազգային գործընկերներն, այնուամենայնիվ, պնդել են, որ ֆորմալ տեսանկյունից ընկերությունը համապատասխանում է բոլոր չափորոշիչներին, որոնք ի սկզբանե մրցութային փաթեթում ներդրված են եղել։
«Այս պահի դրությամբ ակնկալում ենք 18 ամսվա ընթացքում շինարարության սկիզբ և ավարտ։ Այս փուլում իրականացվում է հիմնականում տեխնիկայի հավաքագրում ու մոբիլիզացիա․ բուն շինարարության մեկնարկը տրվելու է սեպտեմբերի սկզբին»,- ասել է քաղաքապետը։
