2026-ի առաջին կիսամյակին գնաճի բարձր տեմպը պահպանվում է, արագացում ունենք. ֆինանսների նախարար

2026թ. հունիսի 30-ի դրությամբ ՀՀ պետական պարտքը կազմել է 5,116 մլրդ դրամ (13,901 մլն ԱՄՆ դոլար): ՀՀ դրամով և ԱՄՆ դոլարով արտահայտված` ՀՀ պետական պարտքի ցուցանիշները նախորդ տարեվերջի համեմատությամբ նվազել են համապատասխանաբար 3.5%-ով և 0.04%-ով: ՀՀ պետական պարտքում 2,440 մլրդ դրամը (6,629 մլն ԱՄՆ դոլարը) կազմել է արտաքին պարտքը, 2,677 մլրդ դրամը (7,272 մլն ԱՄՆ դոլարը)՝ ներքին պարտքը: Նշված է 2026 թվականի առաջին կիսամյակում Հայաստանի Հանրապետության պետական բյուջեի կատարման ընթացքի վերաբերյալ տեղեկանքում, որը ԱԺ Ֆինանսավարկային և բյուջետային հարցերի մշտական հանձնաժողովի նիստում ներկայացրեց ֆինանսների նախարար Վահե Հովհաննիսյանը։ 

ՀՀ կառավարության պարտքը 2026թ. հունիսի 30-ի դրությամբ կազմել է 5,113 մլրդ դրամ (13,893 մլն ԱՄՆ դոլար), որից արտաքին պարտքը՝ 2,437 մլրդ դրամ (6,621 մլն ԱՄՆ դոլար), իսկ ներքին պարտքը՝ 2,676 մլրդ դրամ (7,272 մլն ԱՄՆ դոլար): Նախորդ տարեվերջի համեմատ Կառավարության պարտքը՝ արտահայտված դրամով և ԱՄՆ դոլարով, համապատասխանաբար նվազել է 3.5%-ով (186.7 մլրդ դրամով) և 0.04%-ով (5.1 մլն ԱՄՆ դոլարով):

2026թ. առաջին կիսամյակի ընթացքում գնաճն արագացել է՝ ձևավորվելով ԿԲ թիրախից բարձր մակարդակում, որի պայմաններում ԿԲ-ն դադարել է մեղմացնել դրամավարկային պայմանները՝ վերաֆինանսավորման տոկոսադրույքը թողնելով անփոփոխ:

«2026թ. առաջին կիսամյակին գնաճի բարձր տեմպը պահպանվում է, արագացում ունենք»,- ասաց ֆինանսների նախարարը։