«Նկարած քրեական գործ է, որը սարքեց Հայաստանի կառավարության ղեկավարը մի քանի օրվա ընթացքում, որպեսզի կարողանա ինչ-որ առիթ ունենա ու Սամվել Կարապետյանին պահի սահմանափակման, կալանքի տակ»,- ԱԺ Ֆինանսավարկային և բյուջետային հարցերի մշտական հանձնաժողովի նիստում ասաց «Ուժեղ Հայաստան» խմբակցության ղեկավար Նարեկ Կարապետյանը։
Նա խոսքն ուղղեց ՔՊ խմբակցության պատգամավոր Ծովինար Վարդանյանին՝ նշելով. «Բոլորի ընտանիքի անդամների մասին հարցերը տրվել են այստեղ ու տրվել են ձեր քաղաքական ուժի բերված օրակարգի արդյունքում։ Ոչ մեկին հաճույք չի պատճառում ընտանիքի անդամների մասին խորացված հարցադրումներ անել»։
Ծովինար Վարդանյանն ասաց. «Ես եկել եմ այստեղ աշխատելու, չեմ եկել այստեղ Էդգար Ղազարյանի հարցերին պատասխանելու։ Պետական բյուջեի քննարկում է լինելու, նախարարը կատարողականն է ներկայացնելու, եկել ու ասում է՝ հրպարակվել է լուսանկար, որ դուք եկել եք դուբայում։ Դե լավ էլի, ժողովուրդ»։
Հայկ Ֆարմանյանն արձագանքեց Վարդանյանին. «Կարծում եմ՝ բոլոր խոսույթները բխում են երկակի ստանդարտներից»։
Մինչ այս, «Ուժեղ Հայաստան» խմբակցության պատգամավոր Էդգար Ղազարյանը մեջբերել էր «Հրապարակ» օրաթերթի 2023 թ. հոկտեմբերի 31-ի մի հրապարակում, ըստ որի՝ «ՔՊ-ական պատգամավոր Ծովինար Վարդանյանն ու նրա քույրը՝ Երևանի ավագանու նորընտիր անդմա Նուրադ Վարդանյանն իրենց հանգիստն են անցկացնում Դուբայում»։
«Ես այս հրապարակումն առանձնացրել եմ, որովհետև տեղի է ունեցել 2023 թվականի հոկտեմբերի վերջին, ճիշտ այն ժամանակ, երբ արցախահայութունը բռնի տեղհանվում էր Արցախից»,- ասաց Ղազարյանը։
