Գիտնականների կանխատեսմամբ՝ աշխարհում քաղցկեղի նոր դեպքերի թիվը մինչև 2050 թվականը կարող է աճել մոտ 67%-ով՝ 2024 թվականի 21 միլիոնից հասնելով 34 միլիոնի։ Գիտնականները նշում են, որ աճի հիմնական պատճառը բնակչության թվի ավելացումն ու ծերացումն է․ քաղցկեղի առաջացման հավանականությունը մեծանում է տարիքի հետ։ 2024 թվականին աշխարհում գրանցվել է քաղցկեղի 21 միլիոն նոր դեպք և 9,8 միլիոն մահ։ Թոքերի ամենատարածվածը քաղցկեղն է՝ 2,6 միլիոն դեպքով, որին հաջորդում է կանանց մոտ կրծքագեղձի քաղցկեղը՝ 2,4 միլիոն դեպքով։
Միաժամանակ, մասնագետները նշում են, որ քաղցկեղից մահերի գրեթե կեսը հնարավոր է կանխել։ Դրան կարող են նպաստել ծխելու և ալկոհոլի օգտագործումից հրաժարվելը, առողջ սննդակարգը, ֆիզիկական ակտիվությունը, քաղցկեղածին վիրուսների դեմ պատվաստումը և հիվանդության վաղ հայտնաբերումը։ Գիտնականների գնահատմամբ՝ քաղցկեղի դեպքերի աճը հատկապես մեծ մարտահրավեր կլինի ցածր և միջին եկամուտ ունեցող երկրների առողջապահական համակարգերի համար։
