Մենք «սեքընդ հենդ» ապրանքների կարիք չունենք. վարչապետ

«Հաճախ սփյուռք ասում ենք՝ մոռանալով, որ դա ուրիշ երկրի մասին է։ Հայաստանի համար այդ երկրում ազդեցության միջոց է, բայց հակառակն էլ կա, և մենք վերջերս տեսանք դա, որ սփյուռքն է այդ երկրի համար երբեմն դառնում ազդեցության միջոց»,- ասել է վարչապետ Նիկոլ Փաշինյանը՝ խոսելով Հայաստան-սփյուռք հարաբերությունների մասին։

Նրա խոսքով՝ Հայաստանը սփյուռքի մենթորը չի կարող լինել և հակառակը, և անդրադարձել է իր հայտարարությանը, որ Հայաստանը «սեքընդ հենդ» ապրանքների կարիք չունի. «Այս էջը պետք է փակենք։ Բայց դա չի նշանակում, որ մենք չենք գնահատում, որ այն ժամանակներում, երբ մենք «սեքընդ հենդ», այդ թվում՝ հագուստի կարիք ունեինք, սփյուռքը մեզ դա է մատակարարել»,- շեշտել է նա։

Նրա խոսքով՝ Հայաստան-սփյուռք հարաբերությունները «FireBird» նախագիծն է. «Նաև այդ հարաբերությունների կարևոր կետերից մեկը «TUMO» նախաձեռնությունն է կամ «COAF» հիմնադրամի գործունեությունը»,- հավելել է վարչապետը։