«Մենք չենք հանել համազգային նպատակները, մենք փոխակերպել և կոնկրետացրել ենք դրանք։ Մենք գրել ենք, որ Հայաստանի Հանրապետության հարատևությունը, ինքնիշխանությունը, անկախությունը և զարգացումն են մեր նպատակները»,- ասել է արդարադատության նախարար Սրբուհի Գալյանը ԱԺ-ում։
Նրա խոսքով՝ ինչպե՞ս կարող են գալ և ԱԺ-ի ամբիոնից ելույթ ունենալ՝ ասելով․ «Եթե տեքստը մշակվել է օտարերկրյա ազդեցությամբ, խնդրում ենք՝ նշա՛ն տվեք»․ «Ես տվեցի նշանը՝ սրտիկի տեսքով, ի նշան սիրո և ողջախոհության, որպեսզի սիրեք մեր քաղաքացիներին և սիրեք նրանց։ Չգաք և այս ամբիոնից չունենաք պաթոսախեղդ, ճշմարտանման, իրականությունը առհասարակ չարտացոլող ելույթներ»,- շեշտել է նախարարը։
