«Գյումրիում տեղակայաված 102-րդ ռուսական ռազմաբազայի վերաբերյալ խոսույթներից պարզ է դառնում, ենթատեքստն այն է, որ այդ ռազմաբազան մեր իշխանական գործընկերները ցանկանում են ուշ թե շուտ դուրս բերվի»,- ԱԺ-ում ունեցած ելույթում ասաց «Ուժեղ Հայաստան» խմբակցության պատգամավոր Հայկ Ֆարմանյանը։
Նա հիշեցրեց, որ Նիկոլ Փաշինյանն էլ է հայտարարել՝ռուսական ռազմական որևէ կենսական նշանակություն չունի ՀՀ համար։
«Կարծում եմ ճիշտ հակառակը»,- ընդգծեց նա՝ հավելելով, որ զերծ է մանում քննարկել ռազմաբազայի անվտանագային բաղադրիչը, այլ ցանկանում է խոսել տնտեսական բաղադրիչի մասին, որը կենսական նշանակություն ունի։
Նա նշեց, որ Շիրակն ամենաաաղքատ մարզն է Հայաստանում, իսկ ռազմաբազան փակելու հետևանքով հազարավոր մարդիկ կրկին անգործ կմնան։
Ֆարմանյանը նաև անդրադարձավ մայիսի 28-ին Հանրապետության հրապարակում ցուցադրված «գերսուպեր ժամանակակից զենքերը»։
«Ընդունենք ունենք գերժամանակակից զենքեր, որոնք երբևէ չենք ունեցել։ Այդ դեպքում պարադոքսը ո՞րն է՝ ինչո՞ւ ենք վախենում աղետալի պատերազմից. չունենք սահմանադրական մեծամասնություն, կլինի՝ աղետաբեր պատերազմ, Տիգրանաշենը ադրբեջանական անվանումով չասենք, կլինի աղետաբեր պատերազմ, Արարատ լեռան դիմաց էկրան քաշեն, չտեսնենք, որ աղետաբեր պատերազմ չլինի։
Ժողովուրդ ջան կամ մեկը ճիշտ չէ, կամ մյուսը՝ կամ գերսուպեր ժամանակակից զենքեր չունենք, կամ աղետաբեր պատերազմի հետ կապված խոսույթն է բլեֆ»,- ասաց ընդդիմադիր պատգամավորը։
