Թուրքիան հույս ունի, որ Հայաստանի և Ադրբեջանի միջև հնարավորինս շուտ կհաստատվի համապարփակ և կայուն խաղաղություն։ Այս մասին հայտարարել է Թուրքիայի պաշտպանության նախարար Յաշար Գյուլերը։
Նրա խոսքով՝ Թուրքիան աջակցում է հայ-ադրբեջանական խաղաղության գործընթացի ավարտին հասցնելու ջանքերին՝ տարածաշրջանային կայունությունն ամրապնդելու և տարածաշրջանի ժողովուրդների խաղաղության ու բարգավաճմանն աջակցելու նպատակով։
«Կովկասին այժմ անհրաժեշտ են վստահություն, համագործակցություն, զարգացում և բարգավաճում, ոչ թե հակամարտություն։ Մենք կարծում ենք, որ Թուրքիայի և Ադրբեջանի միջև ամուր համերաշխությունը այս նոր դարաշրջանի կարևորագույն երաշխիքներից մեկն է»,- ասել է Գյուլերը։
