| «Հանրապետություն» կուսակցության նախագահ Արամ Սարգսյանի ֆեյսբուքյան գրառումը. «Գազի գնի երկակի չափանիշը ՌԴ նախագահը Հայաստանին վաճառվող գազի գինը փորձում է հիմնավորել ԵՄ բորսաներում ձևավորվող գներով, բայց մի պարզ հարց է առաջանում․ ինչո՞ւ նույն տրամաբանությունը չի գործում Թուրքիայի համար։ Թուրքիան ռուսական գազի խոշոր գնորդ է։ ՌԴ հրապարակված գնահատականներով՝ 2026-ին Թուրքիայի համար ռուսական գազի միջին արտահանման գինը կանխատեսվում է $276.1՝ 1000 մ³-ի դիմաց։ Այսինքն՝ Ռուսաստանի համար Թուրքիան «ԵՄ բորսա» չէ, և գազի գինը ձևավորվում է երկկողմ պայմանների հիման վրա։ Ու սա այն դեպքում, երբ Թուրքիան, ի տարբերություն Հայաստանի, ԵՄ անդամակցության թեկնածու երկիր է, ՆԱՏՕ-ի անդամ է, Ուկրաինային աջակցում է և Ղրիմը համարում է Ռուսաստանի կողմից օկուպացված տարածք։ Ուրեմն ինչո՞ւ Հայաստանի հետ գազի գնի հարցում պետք է համեմատությունը սկսել ԵՄ բորսայից, այլ ոչ թե Ռուսաստանի կողմից տարածաշրջանի երկրների համար կիրառվող իրական պայմաններից։ Եթե սրան էլ ավելացնենք, որ Թուրքիայի բնակիչը 1000 մ³ գազի համար վճարում է մոտ $346, իսկ ԵԱՏՄ և ՀԱՊԿ անդամ Հայաստանի բնակիչը «Գազպրոմին» վճարում է մոտ $420, ՌԴ նախագահի ներկայացրած «ցածր գինը»՝ իբրև բարեկամության արտահայտություն, ավելի շատ երեսպաշտություն է և անամոթ սուտ։ Օրինաչափորեն Հայաստանում չի կարող տարածաշրջանի մյուս երկրներից էապես տարբերվող գազի գին լինել։ Սա թող ՌԴ իշխանությունները ականջներին օղ անեն․ Հայաստանի համար տարածաշրջանային գներին մոտ գին ապահովելու բազմաթիվ հնարավորություններ կան, և՝ փառք Տիրոջը….»: |
10:48
Հոկտեմբեր 6, 2026
