Հայաստանի տնտեսական աճը 2026 թվականի առաջին կիսամյակում կազմել է 6%՝ նախորդ տարվա նույն ժամանակահատվածի 5.9%-ի դիմաց։ Այս մասին ասվում է Ասիական զարգացման բանկի (ԱԶԲ) սեպտեմբերյան զեկույցում։
Աճին հիմնականում նպաստել են արդյունաբերությունն ու ծառայությունները, իսկ գյուղատնտեսության ոլորտում գրանցվել է 11% անկում։ Շինարարությունն աճել է 20.2%-ով։
ԱԶԲ-ն Հայաստանի 2026 թվականի տնտեսական աճի կանխատեսումը պահպանում է 5%, իսկ 2027 թվականի համար՝ 5.5% մակարդակում։ Միաժամանակ բանկը նշում է, որ Ռուսաստանի կողմից ներմուծման սահմանափակումներն ու Մերձավոր Արևելքի հակամարտությամբ պայմանավորված տարածաշրջանային առևտրային խափանումները կարող են սահմանափակել Հայաստանի արտահանման աճը։
Հունվար-հուլիսին Հայաստանում միջին գնաճը կազմել է 4.5%, ինչը գերազանցել է Կենտրոնական բանկի 2-4% նպատակային միջակայքի վերին սահմանը։
